珍煮丹 (已結業)

来亲葵广都会扫街，呢排都开咗好多手摇饮品嘅舖头，连之前好多人排队嘅珍煮丹都喺度开咗分店，衬而家人流唔算多就即刻买咗杯嚟试吓。记得以前佢主打嘅系黑糖珍珠奶茶，之前已经饮过，啲珍珠好有咬口，好好味。今次就想试啲特别啲嘅，见到佢块板有写推介，就一于试吓。我就叫咗十份芋芋鲜奶，饮亲芋头鲜奶都好怕会冇咗一粒粒嘅芋头，好在呢度嘅芋头鲜奶会食到一粒粒嘅芋头，有得食下又饮下。而且芋头味好浓郁。原来呢杯嘢饮入边仲有芋圆，比较细粒而且好烟韧，饮完呢杯嘢饮都几饱㗎。朋友就叫咗珍珠伯爵鲜奶茶，茶味几浓，就算啲冰融左都仲有饮到茶味。而且珍珠好烟韧，唔会粉粉地，值得加分！建议大家除咗试佢嘅黑糖饮品，都可以试吓推介入边嘅饮品！