可可豬椰香海南雞專門店

营业中

休息中

今日放工又黎到红磡呢间铺头买外卖返屋企食呀，望返餐牌对比上次黎嘅时候，啲菜式多左好多，咁当然今次都会叫下啲新野啦。首先就系呢个特色椰香海南鸡饭，其实黎亲呢间都系买呢盒，要赞嘅一定系啲鸡，好滑好嫩，鸡皮好似啫喱咁，有鸡味，配埋椰香饭真系恰到好处，令人回味无穷。如果想刺激啲又食到辣嘅朋友仔，可以试下呢个麻辣手撕鸡冷面，辣得黎又够清爽嘅感觉确实过瘾，手撕鸡肉撕得幼细好岩捞冷面黎食。泰式酸辣无骨凤爪当系饭后小食咁，够入味，份量都唔错。呢间虽然剩系做外卖，但系都好多人排队买外卖，证明呢间野系几咁吸引街坊，甚至系跨区过黎买，值得有下次。