影片
更多
2021-12-26
776 浏览
大间光猛o既中式餐室，地方阔落，见人推埋bb 车入o黎都仲得。餐厅以QR code 手机点餐的，佢细项比较多，跟饭定面、跟乜o野餐饮、多唔多冰多奶，加配乜o野小食等等，自由度高，但也容易遗漏一个半个选项，不过慢慢地操作都唔难完成。我地o黎到o既时候o岩o岩搭正两点，有下午茶餐牌，实在太好喇！一于试尽佢o既招牌菜，先来一客鸳鸯手撕鸡捞面($44 无加一)，一次过有晒盐焗同麻辣两只口味。d 鸡几嫩滑，盐焗鸡带有沙姜粉o既味道，浓味香口；麻辣o个d 则呈微红色，辣度几高，风味唔错。佢下面o既面标榜住系鹅油捞面，听落好似好矜贵咁~ 面质都算爽口，食落惹味得o黎，一d 都唔油腻。跟呢个餐会附一小兜云耳作为开胃前菜，也是几辣的。第二个餐则点o左销魂腩叉饭($40)，几玩味o既名字。Menu 介绍佢系半肥瘦o既腩肉叉烧，实物见佢拥有一间间o既脂肪层，而最上方仲连带一层皮，都几特别。另一个朋友唔想食咁饱，想叫d 轻食，嗌o左个腩叉牛角包($39)，里面都系夹上一样o既叉烧，不过淋上胡麻酱，配上松脆o既牛角包，相信又系另一种滋味。每个餐都可以追加小食，写o左瑞士鸡翼(2 只，$16) 同埋特浓龙虾汤($
我地o黎到o既时候o岩o岩搭正两点，有下午茶餐牌，实在太好喇！一于试尽佢o既招牌菜，先来一客鸳鸯手撕鸡捞面($44 无加一)，一次过有晒盐焗同麻辣两只口味。d 鸡几嫩滑，盐焗鸡带有沙姜粉o既味道，浓味香口；麻辣o个d 则呈微红色，辣度几高，风味唔错。
鸳鸯手撕鸡捞面 ($44)
16 浏览
0 赞好
0 留言
鹅油捞面
18 浏览
0 赞好
0 留言
佢下面o既面标榜住系鹅油捞面，听落好似好矜贵咁~ 面质都算爽口，食落惹味得o黎，一d 都唔油腻。跟呢个餐会附一小兜云耳作为开胃前菜，也是几辣的。
第二个餐则点o左销魂腩叉饭($40)，几玩味o既名字。Menu 介绍佢系半肥瘦o既腩肉叉烧，实物见佢拥有一间间o既脂肪层，而最上方仲连带一层皮，都几特别。另一个朋友唔想食咁饱，想叫d 轻食，嗌o左个腩叉牛角包($39)，里面都系夹上一样o既叉烧，不过淋上胡麻酱，配上松脆o既牛角包，相信又系另一种滋味。
腩叉牛角包($39)
12 浏览
0 赞好
0 留言
每个餐都可以追加小食，写o左瑞士鸡翼(2 只，$16) 同埋特浓龙虾汤($38)。鸡翼非常深色，有住甜甜o既酱汁，而龙虾汤都比一般出面橙色o个d 深色，会饮到好浓郁虾头虾膏o既味道！
特浓龙虾汤 ($38)
17 浏览
0 赞好
0 留言
跟餐会附一个普通o既汤or 餐饮，但o个一个汤其实都唔差，带点瓜同萝卜o既清甜，以颇重o既胡椒调味。其余两杯就试o左特色饮品，朋友试蕃石榴四季春乌龙茶(加$10)，四季春好似最近好hit 咁。我自己就要o左杯玉桂咖啡(加$10)，加o左玉桂粉，灵舍有咖啡店o既味道o架~
是日老火汤
6 浏览
0 赞好
0 留言
玉桂咖啡、蕃石榴四季春乌龙茶(各加$10)
8 浏览
0 赞好
0 留言
张贴
