炯記手撕雞 (汝州街) (已結業)

深水步多野食就应该大家都知。今次黎到炯记手撕鸡食野。之前餐厅新开无耐既时候试过openrice买外卖质素唔错，尤其个麻辣味手撕鸡。唔知水准保唔保持到呢。打开menu,除左招牌既手撕鸡之外，酱皇猪手同烧味都系餐厅既招牌菜，喺连快餐店烧味饭都卖5字头既今日，呢度价钱系相当合理。首先一定要试下我最爱既叉烧，双拼埋烧腩仔都只系贵2蚊，仲连埋足料老火例汤，相当抵食。叉烧唔肥，咬落啖啖肉，味道唔错，烧肉真系腩位唔系头头尾尾，份量大，大胃王都食得饱。朋友就想食豪d,点左烧鹅脾鹅油捞粗面。佢话已经二十年无食过烧鹅脾咁话wo。烧鹅相当靓，鹅皮金黄色仲微脆，脂肪唔多，仲好大只，食得朋友好开心。捞面应该系用自家酱油捞，味道少少甜，亦都唔会好油腻。不过当然一分钱一分货，价钱贵少少啦。黎到炯记无理由唔食埋招牌手撕鸡既。我地点左一份海蜇手撕鸡，同埋两件酱皇猪手。海蜇爽脆，唔系即食一包包货色，手撕鸡好好肉，麻辣味香浓，但又唔会好多辣椒𠮶只。唔食辣既话亦都可以拣原味盐焗味。猪手就拳头咁大件。小食份量有两件，皮滑入味，几乎无肥膏，平时唔食猪手既我都食左一大件。平时拣野食三心两意但胃口唔大既都唔洗担心，因为以上几样野其实