白貓烏冬

营业中

休息中

👩🏻观塘新开嘅日式乌冬小店！钟意食手制乌冬嘅你有多个新选择啦～～～💕佢哋嘅乌冬整体份量都偏大！CP值超高！👍🏻而且款式都比较特别，唔系出面常见嘅配搭！✨🍴炙烧慢煮鸭胸配鸭浓汤乌冬乌冬一上枱嘅时候就已经比佢嘅卖相吸引🤩基本上同餐牌张相系冇分别！个汤超浓～🦆食到一半开始觉得闷嘅时候加埋个鸭油落去又变左另一个感觉！本身以为落油会腻，但系反而变得清爽左，好神奇！值得一试～🍴焗酿蚝盖配牡蛎浓汤沾乌冬呢个系打卡之选✨个焗酿蚝盖🦪系成个手掌🖐️咁大！而且个牡蛎汤上枱嘅时候仲系滚嘅，好够热！蚝味超浓郁！好似有好多只蚝系入面咁～另外仲有支昆布水🍶可以加入个浓汤调整浓度当汤饮！🍴盐酥鸡配冷乌冬佢哋嘅乌冬系幼乌冬，咬落好烟韧弹牙！盐酥鸡份量都唔少！整体都唔错👍🏻🍴抹茶鲜奶超抵饮嘅高质抹茶鲜奶！抹茶味浓～奶滑～因为佢系樽装🫙咁上，饮唔晒仲可以拎走～🍵抹茶控必试！最后值得一赞嘅系店员上枱嘅时候会介绍返唔同乌冬嘅建议食法同特色～而且店员仲会主动收集客人意见，感觉到小店嘅用心！