巴伐洛娃

营业中

休息中

食完忍唔住同老板讲，你地做唔做得住，我会唔会见到你地。 卖得咁平，同时最多只可以坐到三枱客。 大角嘴出名多野食 今日初四 好多餐厅都唔开，所以随机系大角咀周围行下揾食。 最后系富多来广场附近见到依间餐厅，外面大玻璃睇到入面食客台上既野， 好吸引 叫左两个餐， 加$10 仲有水果茶任添饮。 肉眼扒好juicy， 有牛肉味一食就知系新鲜野， 不是急涷肉，用的冰鲜肉。 西班牙炒饭，饭煮得淋左扣小小分。 水果茶没有落糖，反而饮到水果的甜味，伙记经常主动加水果菜。 两个人一个餐其实已经好饱，但实在厨师厨艺太好。 再叫左个伙记推介的蟹肉饼，哗，成个饼，全部蟹肉劲足料，无得弹。 再叫左鸡翼， $28 3 只，好鬼平 最后面包布甸甜品， 好高分。 突出来的面包脆的，加上涷既雪糕，热既布甸，好有层次！下一次要试威灵顿牛扒餐厅环境唔大，只可以坐到三张。 地点又几方便 奥运站行过去8 分钟就到了。 用咁靓既食材高成本制作，好怕下一次见唔到佢地，维唔到皮。