花園餐廳 (金百利廣場)

营业中

休息中

晏就同友人去咗呢间好多地方都有嘅花园餐厅食饭，嚟得呢到锯扒当然系不二之选，但由于Kiwi今日唔系好肚饿，就试食咗佢嘅特餐。同其他西餐厅一样，午市会配白/红汤+包+饮品，好化算。而侍应都会好有心咁帮我地叮热个包。值得一提嘅系侍应落单时都冇手写单，记忆力特强呀!煎龙脷柳(意大利汁)配茨菜。龙脷柳好腍，亦都好大份。茨菜即系波浪型嘅薯条，好耐都冇食过呢种形状嘅薯条啦!而最令Kiwi困惑嘅意大利汁原来就系蕃茄汁，酸酸甜甜都唔错。整体嚟讲都OK嘅，不过总觉得呢度始终都系牛/猪扒好食啲!