三哥餃子店 (已結業)

今日收早快闪大埔，陪个朋友减减压吹阵水先返屋企庆祝妈妈节。我地行左去大埔超级城个边，因为商场接商场，日晒雨淋都唔怕，而且仲有好多食肆包围，唔惊冇野食。我地经过安泰路见到间食饺子既就贡左入去。呢间饺子系系大埔广场地下潮福隔离，对住个的士站既，位置当眼易揾。入面装修简单，环境都坐得舒服。呢度既主打系手工健康饺同无味精靓汤Menu既然有汤饺同煎饺，我地就各嗌左一份黎share。煎松茸饺子配四宝元气汤（8只）$72首先呢个四宝元气汤系粉葛鲮鱼猪骨汤，因为佢sell冇味精，所以建议落少少盐黎调味，不过我就觉得呢个老火汤唔落盐都唔会话冇味，仲入口有d粉葛既鲜甜味，而且春夏天饮可以袪湿同健脾tim。至于个煎饺，饺子皮薄又煎得香脆，松茸馅料味鲜丰厚，口感一流，仲话食松茸可以增强免疫力，呢个简直系保健饺子餐粟米猪肉饺（8只）$33呢个汤饺系饺同汤分开上，配个细四宝汤。粟米猪肉做馅料，食材普通，不过都可以食到甜粟米粒，口感唔错，但系相对个煎饺，呢个味道就好一般