煮打菜打冷小菜館 (已結業)

去筲箕湾揾朋友食饭，朋友介绍话呢间潮州打冷好好食，个名都好得意叫做「煮打菜」。食潮州嘢梗系要叫条潮式冻乌头😋，例牌鹅片（净肉），同一份潮式爆花蚝饼🤤，同打冷最紧要配支啤酒🍻。无谂过上菜d食物咁大份😍！条冻乌头大大条，食落啖啖肉一d腥味都无😋，经盐腌过令到鱼肉好鲜甜美味，但食落又唔会好咸，味道一流👍🏻。鹅片大大碟都系$88，鹅片啖啖肉，再落左微暖嘅卤水汁，更添香味👍🏻。鹅片带有少少肥肉，食落又唔会觉得油腻，豆腐唔会好硬，真系好食夹大件😂。份潮式蚝饼，蛋味香浓，劲多蚝仔而且咬落啖啖肉，一d蚝腥味都无，咬落有d葱花增加口感，炸得香脆可口，唔似出面食果d咁油「笠笠」同林哂。啤酒用左不锈钢杯，可以保持冰冻，好细心👍🏻。下次再嚟筲箕湾，一定要再试埋其他嘢食😆。