影片
更多
2020-05-30
796 浏览
老公今晚收晏，晚饭都变宵夜喇😭不过发现新惊喜，search到呢间食小菜嘅粤舫老赵，抵食夹大件🤤店里面非常光猛，墙身装上镜子，地方望落阔落好多；d櫈仔颜色鲜艳，整体感觉非常舒适。食物款式都几多，有鸡煲，小菜，海鲜，卤水小食等。发现大龙趸两味都系$188，当然要试下，另外再叫左椒盐鸡软骨同瑶柱蛋白炒饭。两味分别系金银蒜鲜竹蒸斑头腩，上枱已经传黎阵阵嘅蒜香味，斑头腩都几好肉，蒸嘅火喉掌握得刚好，肉质非常嫩滑，加上金银蒜一齐落镬蒸，最底层嘅粉丝同鲜竹索晒d味道，非常好食，食到我地一旧接一旧。另一味系XO酱西兰花炒斑球，斑球用西兰花同炒，口感丰富之余，色泽缤纷，倍加吸引。味道方面，有西兰花嘅清甜，再加上斑球啖啖肉，够滑又弹牙，好快就清晒碟lu，如果多加xo酱应该更惹味😋金黄色嘅椒盐鸡软骨，炸浆包住每粒鸡软骨，做到外酥内脆嘅效果，每啖都卜卜脆，索索声，加入椒盐做调味，朴实简单，但减轻左油腻感，配啤酒一流，唔系，我地系配可乐🤣都系咁一流瑶柱蛋白炒饭好足料，有瑶柱香气，炒饭粒粒分明，加入青绿嘅葱花，成个炒饭卖相提升⬆️。用蛋白同瑶柱一齐炒，炒饭够镬气之如又唔会太油，感觉清新不腻，好味道👍碟碟𩠌都好大碟，
店里面非常光猛，墙身装上镜子，地方望落阔落好多；d櫈仔颜色鲜艳，整体感觉非常舒适。
食物款式都几多，有鸡煲，小菜，海鲜，卤水小食等。发现大龙趸两味都系$188，当然要试下，另外再叫左椒盐鸡软骨同瑶柱蛋白炒饭。
两味分别系金银蒜鲜竹蒸斑头腩，上枱已经传黎阵阵嘅蒜香味，斑头腩都几好肉，蒸嘅火喉掌握得刚好，肉质非常嫩滑，加上金银蒜一齐落镬蒸，最底层嘅粉丝同鲜竹索晒d味道，非常好食，食到我地一旧接一旧。
金银蒜鲜竹蒸斑头腩
69 浏览
0 赞好
0 留言
金银蒜鲜竹蒸斑头腩
47 浏览
0 赞好
0 留言
另一味系XO酱西兰花炒斑球，斑球用西兰花同炒，口感丰富之余，色泽缤纷，倍加吸引。味道方面，有西兰花嘅清甜，再加上斑球啖啖肉，够滑又弹牙，好快就清晒碟lu，如果多加xo酱应该更惹味😋
XO酱西兰花炒斑球
31 浏览
0 赞好
0 留言
XO酱西兰花炒斑球
27 浏览
0 赞好
0 留言
金黄色嘅椒盐鸡软骨，炸浆包住每粒鸡软骨，做到外酥内脆嘅效果，每啖都卜卜脆，索索声，加入椒盐做调味，朴实简单，但减轻左油腻感，配啤酒一流，唔系，我地系配可乐🤣都系咁一流
椒盐鸡软骨
31 浏览
0 赞好
0 留言
椒盐鸡软骨
27 浏览
0 赞好
0 留言
瑶柱蛋白炒饭好足料，有瑶柱香气，炒饭粒粒分明，加入青绿嘅葱花，成个炒饭卖相提升⬆️。用蛋白同瑶柱一齐炒，炒饭够镬气之如又唔会太油，感觉清新不腻，好味道👍
瑶柱蛋白炒饭
55 浏览
0 赞好
0 留言
碟碟𩠌都好大碟，所以我地都食唔晒，好彩英明嘅老公㩒住眼阔肚窄嘅猪，如果唔系又嘥晒d野呀😅
张贴
