功夫點心 (已結業)

最近觉得,其实自己都几钟意食点心,今天有去左尖沙咀既功夫点心试下，点解叫功夫点心呢,我就唔清楚,不过装修都几中式味道,绝对系”功夫”行头!入到去，有好多红色既中式窗，好似番左以前,侍应既制服都系红色衫,相当可爱。服务都好好,好有礼貌加埋手脚够快,效率高。系尖沙咀依D区做野慢系唔得既,随时比人闹,加埋佢上菜既速度都好快。价钱都好公道,茶钱6蚊要有加一,不过其实到到都加一,试左个松茸鲜虾菜苗饺，有甘笋、松茸及鲜虾，超多白菜丝，所以成个都好爽口,加埋佢都几浓味嫁!另外仲有食烧卖,佢好大粒,平时面头系虾子个D,今次变左杞子,我自己就唔食既,所以夹走左,D虾同埋猪肉,两种唔同口感! 好味! 仲有试其他,不过最特别都系依两个。