hoo韓國包車

营业中

休息中

睇得多韩剧，成日都见到D男女主角喺街边大排档，饮烧洒，食小炒，我都好想去感受一下。Hoo韩国包车嘅环境真系好有特色，装修到似韩国嘅街坊小社区咁。-街头鱼糕串串🍢（中，$138）大排档必点嘅食物！锅入面有5串鱼糕，再加上其他形状嘅鱼糕同萝卜，份量十足，汤底鲜甜。有gas炉一路热住，食到尾仲系热辣辣。-招牌炒章鱼🐙 （$138）章鱼口感既柔软又有弹性，酱料惹味，啱晒用嚟送烧酒。-鸡翼 x 鸡槌 🍗 （三款口味，$178）三款口味包括原味，酱油味及甜辣味。鸡翼同埋鸡锤炸得好香脆，入面又保持到肉汁。每种口味都各有特色。由于我同朋友有太多食物想试，叫多咗，食唔晒，所以我打包返屋企，唔好浪费。炸鸡拎到返屋企，用气炸锅返热都依然好味😋-怀旧烤五花肉🍖（$138）另一韩剧经常出现嘅食物。上枱嘅时候，五花腩已经烧好，所以有啲干。如果可以自己烧，应该比较好味。餐厅嘅人客好多，记住要订定枱先呀！而且用餐时间只有1.5小时。不过仲未飞嘅时候，Hoo韩国包车都可以暂时满足下韩剧迷嘅幻想。