반찬앤쿡 Banchan and Cook (太古城中心)

营业中

休息中

前几日去咗 Banchan and Cook度，好钟意个环境，坐得舒服、又有好多花花布置，打卡一流！仲有水果味嘅水，好健康好想食年糕，咁就点个巴马火腿卡邦尼年糕。个汁好浓仲有cheese，而且年糕形状系长条好特别。份量好啱我哋，小食size之后可以再食其他。好钟意带子，所以order 甘笋汁带子鲜虾蛋包饭。个甘笋汁有surprise，味道似龙虾汁味，所以好衬带子同虾。我通常晚饭都好少食淀粉质，所以叫个 烧酱油黑毛猪白切肉配大酱生菜！我最钟意就系加埋粒粒生蒜粒同韩式辣酱，包住片肥瘦分明嘅黑毛猪入生菜、紫苏叶一齐食，好正！见到有cheese cake，春日小甘笋芝士蛋糕 好得意，仲有小甘笋放上面做装饰，饼底系carrot cake，好fresh。呢个尝味套餐都几抵，有小食、主食、甜品、两杯野饮，杯桃香味乳酸梳打、同伯爵茶鲜奶咖啡都好饮！