告白果屋 (已結業)

葵广大受欢迎既长龙店之一告白果屋竟然开左喺太子。地点方便好多之外仲有位坐，而且大量位比你帮杯饮品影靓相打卡，岩哂女仔，我女朋友都系咁吸引左黎。佢就要左杯少女味浓既粉红色糊涂飞鸽，其实系水蜜桃士多啤梨乳酪。饮得出系用左新鲜水果打出黎，唔会好假既死甜味，十分refreshing。我就冇要到 smoothie，要左杯黑老大，姐系近期大热既芝士奶盖黑糖珍珠鲜奶。奶盖好香奶味，感觉好厚，但芝士味就真系淡左少少。底层嘅黑糖珍珠好烟靭好有咬口，而且唔会太甜，如果多d就更好。跟住发现原来呢度除左饮品仲有甜品，虽然得一款，但入面材料都好丰富，有竽圆，地瓜圆，都好QQ。仲有仙草同椰糖珍珠。最后仲有个好靓既水果星球，其实就系大菜糕加水果，够爽口又靓。难怪一直都咁受欢迎！