爆丼屋 (已搬遷) 新店位置

之前因为有咗嘅关系，好耐冇食日本嘢，难得解禁，即刻去食个丰富嘅丼做午餐，好彩唔洗等好耐就有位喇，我同老公被安排到面向墙既高凳坐，对脚短人士来讲就坐得唔算好舒服喇。《三文鱼火山丼》$148招牌三文鱼火山丼嚟到就好似座山咁好吸晴，主要既鱼生系角切三文鱼同埋碎葱吞拿鱼腩，仲有少量三文鱼籽同山葵粒吊味，三文鱼肥美新鲜，切得大细刚好有口感，油脂丰富有香味，碎葱吞拿鱼捞埋落饭到，淡淡肉正。《北海丰盛丼》$198同行老公叫左北海丰盛丼，有带子刺身，两只甜虾，火炙左口鱼同海胆，一样都系少量三文鱼籽增加饭既口感，食材比三文鱼火山丼昂贵，老公都赞用料新鲜除左海胆麻麻之外。总括$200唔洗有咁多刺身食，除咗坐得唔太舒服都可以一试既。