Shake Up! (已結業)

之前见唔少人都拎住杯靓靓milkshake打卡，就心郁郁好想去试🙈上次排队等食嘉宝汉堡🍔期间，知道尖沙咀分店就喺附近，就即刻把握机会去买💦佢主打嘅纽约风雪糕奶昔系以Movenpick雪糕🍨同新鲜牛奶🍼打成，制作过程中冇加入任何冰块以防止味道变淡。除咗奶昔外，仲有沙冰🥤任君选择，全部即叫即制。.我地叫嘅系《苦中一点甜》，大杯$54。所谓「苦中一点甜」，其实就系瑞士朱古力奶昔🍫奶昔口感幼滑，朱古力味道浓郁，夹杂少少苦涩味，名副其实。面头除咗有诱人嘅忌廉，仲有黑朱古力酱同朱古力脆豆作点缀，口感丰富。低糖版嘅甜度刚好，唔会过甜😄，减轻罪恶感。