點一龍 (海港城) (已結業)

话说今日海港城行完，极其肚饿同埋想揾间舒服嘅餐厅坐。但系已经两点几，仲唔系食下午茶嘅好时候？当然揾啲打卡美食医下肚啦🤩最后我俾个「脆趣摩天轮」吸引住，因为入边嘅点心都系好精致，摩天轮一嚟到，我同朋友都不停拍照📷🥢海虾长春卷：春卷皮好脆口，入边啲虾好多，咬落去淡淡虾味！🥢家乡咸水角(雪梨形状)：咸水角系啤梨造型，咸水角既皮唔系间间酒楼做得好味，但系佢做得好松化！🥢金柱萝卜糕(炸长条形)：萝卜糕点咗炸浆，做到外边脆入边滑，萝卜糕味丰富。🥢避风塘茄子(连皮)：避风塘有别于其他普通嘅做法，加入豆豉，撞埋蒜蓉，系超香，直头想送饭呀！🥢脆皮牛腩(一口牛粒):一口咬落去，牛腩味好香，但系外边脆卜卜，独特嘅食法好钟意！🥢椒盐鱿鱼豆腐(鱿鱼花)：鱿鱼同豆腐拼盘，椒盐味好香，鱿鱼唔会好硬，豆腐粒粒都滑嘟嘟！重点系每位再赠送 「原只鲍鱼鸡粥 」或 「鲜虾云吞面 」,鲍鱼鸡粥好入味，淡淡鸡都系好滑，同埋腌好咗，粥底好绵，配埋鲍鱼味好夹！鲜虾云吞大大粒，虾肉新鲜，至于面质好爽唔淋。