影片
更多
2017-09-07
319 浏览
朋友專登入嚟大埔搵我食飯，本來打算帶佢食拉麵，佢見到對面間JUMBO CAFE，話想坐得舒服啲，好，試吓啦，我自己係大埔友都未食過。面書打卡同發相就有85折，當然唔可以放過，我一向都手機食先架啦。晚市套餐$78-268，有湯、餐包、主菜同飲品。我們先額外點左一個小食，馬來西亞串燒沙爹雞$48，有三串!雞肉燒得幾香，肉質仍保持嫩滑。而且三串都幾大串，啖啖肉~沙爹醬幾濃味，唔辣，材料包括沙爹、沙茶、牛油、花生醬等等，仲加左洋蔥入去，食落香口，而粒粒花生亦增加口感。加左$25要一份頭盤 ，今日係煙三文魚沙律，煙三文魚幾份量OK，但放喺一個玻璃杯入面，沙律菜份量少。餐湯係意大利菜湯，酸酸地，好開胃，蔬菜用料足。餐包夠熱，表皮仲有少少鬆脆。牛油都唔係用平野。F餐 香煎比目魚配白汁鮮露筍$88，將薯蓉做成一條魚型，仲加左兩粒青提子裝扮成魚眼，幾有心思。白汁做得好好食，仲鋪滿鮮露筍、鮮菇，用料十足比目魚外皮同底面都煎得好香脆，魚肉味道特別甜，質感爽滑，帶有大骨，唔似龍脷魚咁淡然無味。G餐 炭燒澳洲安格斯西冷扒$128，炸薯條好好食，熱辣辣又大條。牛肉燒有深格紋，入口有少少碳燒味道。我地叫左五成熟，切
面書打卡同發相就有85折，當然唔可以放過，我一向都手機食先架啦。
晚市套餐$78-268，有湯、餐包、主菜同飲品。
我們先額外點左一個小食，馬來西亞串燒沙爹雞$48，有三串!
雞肉燒得幾香，肉質仍保持嫩滑。而且三串都幾大串，啖啖肉~
沙爹醬幾濃味，唔辣，材料包括沙爹、沙茶、牛油、花生醬等等，仲加左洋蔥入去，食落香口，而粒粒花生亦增加口感。
加左$25要一份頭盤 ，今日係煙三文魚沙律，煙三文魚幾份量OK，但放喺一個玻璃杯入面，沙律菜份量少。
餐湯係意大利菜湯，酸酸地，好開胃，蔬菜用料足。
餐包夠熱，表皮仲有少少鬆脆。
牛油都唔係用平野。
F餐 香煎比目魚配白汁鮮露筍$88，將薯蓉做成一條魚型，仲加左兩粒青提子裝扮成魚眼，幾有心思。
白汁做得好好食，仲鋪滿鮮露筍、鮮菇，用料十足
比目魚外皮同底面都煎得好香脆，魚肉味道特別甜，質感爽滑，帶有大骨，唔似龍脷魚咁淡然無味。
G餐 炭燒澳洲安格斯西冷扒$128，炸薯條好好食，熱辣辣又大條。
牛肉燒有深格紋，入口有少少碳燒味道。
我地叫左五成熟，切開入面肉質紅嫩，食得出係冇用野「嗱」過，唔錯。可惜塊牛扒有少少根位。
記住要點燒汁嚟食，食得出個汁係用心調配過，同個牛扒好match。
食完主菜，突然老闆出現，詢問我哋對野食嘅意見，傾完後，仲親手送左份甜品 - 朱古力慕絲。
嘩，好有心機，裝飾得好靚。朱古力慕絲上面坐左隻蘋果天鵝，仲用青提子圍繞住，我地狂影相。
生果好食，朱古力慕絲都好食，多謝晒~ 我地食得好開心呀~我地又加左$25要左個是日甜品-芒果布甸 ，個器皿好似一個浴缸設計，幾特別。上面加左花奶，更加似一個花奶浴。
布甸份量多，味道濃郁，有好多芒果肉。
餐飲叫左杯熱朱古力(唔駛加錢)，好大杯好濃，而且仲專登走去打熱個牛奶加入去，成杯朱古力Latte咁，面頭灑上朱古力粉。
我哋食到好夜，臨走時趁冇乜人影吓個環境。
原來個黑板寫左好多特飲，跟餐加$12就有，我地坐埋一角睇唔到添…… 
因為用左面書優惠有85折，食左咁多野埋單都唔駛$300，而且食得出餐廳係用心製作食物，抵食!
张贴
