影片
更多
2017-09-07
319 浏览
朋友专登入嚟大埔揾我食饭，本来打算带佢食拉面，佢见到对面间JUMBO CAFE，话想坐得舒服啲，好，试吓啦，我自己系大埔友都未食过。面书打卡同发相就有85折，当然唔可以放过，我一向都手机食先架啦。晚市套餐$78-268，有汤、餐包、主菜同饮品。我们先额外点左一个小食，马来西亚串烧沙爹鸡$48，有三串!鸡肉烧得几香，肉质仍保持嫩滑。而且三串都几大串，啖啖肉~沙爹酱几浓味，唔辣，材料包括沙爹、沙茶、牛油、花生酱等等，仲加左洋葱入去，食落香口，而粒粒花生亦增加口感。加左$25要一份头盘 ，今日系烟三文鱼沙律，烟三文鱼几份量OK，但放喺一个玻璃杯入面，沙律菜份量少。餐汤系意大利菜汤，酸酸地，好开胃，蔬菜用料足。餐包够热，表皮仲有少少松脆。牛油都唔系用平野。F餐 香煎比目鱼配白汁鲜露笋$88，将薯蓉做成一条鱼型，仲加左两粒青提子装扮成鱼眼，几有心思。白汁做得好好食，仲铺满鲜露笋、鲜菇，用料十足比目鱼外皮同底面都煎得好香脆，鱼肉味道特别甜，质感爽滑，带有大骨，唔似龙脷鱼咁淡然无味。G餐 炭烧澳洲安格斯西冷扒$128，炸薯条好好食，热辣辣又大条。牛肉烧有深格纹，入口有少少碳烧味道。我地叫左五成熟，切
面书打卡同发相就有85折，当然唔可以放过，我一向都手机食先架啦。
晚市套餐$78-268，有汤、餐包、主菜同饮品。
我们先额外点左一个小食，马来西亚串烧沙爹鸡$48，有三串!
鸡肉烧得几香，肉质仍保持嫩滑。而且三串都几大串，啖啖肉~
沙爹酱几浓味，唔辣，材料包括沙爹、沙茶、牛油、花生酱等等，仲加左洋葱入去，食落香口，而粒粒花生亦增加口感。
加左$25要一份头盘 ，今日系烟三文鱼沙律，烟三文鱼几份量OK，但放喺一个玻璃杯入面，沙律菜份量少。
餐汤系意大利菜汤，酸酸地，好开胃，蔬菜用料足。
餐包够热，表皮仲有少少松脆。
牛油都唔系用平野。
F餐 香煎比目鱼配白汁鲜露笋$88，将薯蓉做成一条鱼型，仲加左两粒青提子装扮成鱼眼，几有心思。
白汁做得好好食，仲铺满鲜露笋、鲜菇，用料十足
比目鱼外皮同底面都煎得好香脆，鱼肉味道特别甜，质感爽滑，带有大骨，唔似龙脷鱼咁淡然无味。
G餐 炭烧澳洲安格斯西冷扒$128，炸薯条好好食，热辣辣又大条。
牛肉烧有深格纹，入口有少少碳烧味道。
我地叫左五成熟，切开入面肉质红嫩，食得出系冇用野「嗱」过，唔错。可惜块牛扒有少少根位。
记住要点烧汁嚟食，食得出个汁系用心调配过，同个牛扒好match。
食完主菜，突然老板出现，询问我哋对野食嘅意见，倾完后，仲亲手送左份甜品 - 朱古力慕丝。
哗，好有心机，装饰得好靓。朱古力慕丝上面坐左只苹果天鹅，仲用青提子围绕住，我地狂影相。
生果好食，朱古力慕丝都好食，多谢晒~ 我地食得好开心呀~我地又加左$25要左个是日甜品-芒果布甸 ，个器皿好似一个浴缸设计，几特别。上面加左花奶，更加似一个花奶浴。
布甸份量多，味道浓郁，有好多芒果肉。
餐饮叫左杯热朱古力(唔驶加钱)，好大杯好浓，而且仲专登走去打热个牛奶加入去，成杯朱古力Latte咁，面头洒上朱古力粉。
我哋食到好夜，临走时趁冇乜人影吓个环境。
原来个黑板写左好多特饮，跟餐加$12就有，我地坐埋一角睇唔到添…… 
因为用左面书优惠有85折，食左咁多野埋单都唔驶$300，而且食得出餐厅系用心制作食物，抵食!
张贴
