春禧堂台灣料理餐廳 (已搬遷) 新店位置

早排睇完杂志介绍，介绍中港城嘅打卡热点，所以就过黎呢度行下，行完之后觉得有D肚饿，路过见到有间餐厅几靓，就入左黎食野。门口已经见到有一个打卡点呢度地方都算大，人流唔多，所以坐得都好舒服。午餐嘅SET 都配有凉拌小食、小食同餐饮，小食我就简左卤蛋。另外仲叫左D 小食，分别有盐酥鸡扒，盐酥鸡粒，同台湾肠。盐酥鸡扒炸得有D 干，但盐酥鸡粒就完全唔同，有肉汁得黎再加上九层塔嘅香味，呢个值得推介。而台湾肠油脂感十足，咬落烟韧有口感，加埋蒜片一齐食更有台湾风味。肉燥饭加上左花椒去制成，所以味道几特别，唔错。