喜泰味

营业中

休息中

琴日去左丽阁商场影相，成个商场都好有特色 ，系用货柜做装修既。影完相之后 又去左食泰式餐厅进食，呢间餐厅位于丽阁商场既门口，系长沙湾地铁站近a出口，都几抢眼架。一坐低未点野食，店员已经送上左虾片小食，唔使饿住嗌嘢食。我同朋友叫左二人套餐，套餐包左两杯野饮，两个饭，一个菜同埋一个主食。套餐都几大份，而价钱只系$188，我地再加左个香烤薄饼 $38，都几抵食。🌟椰香青咖哩牛腩煲个汁有好重既椰香味，份量又大煲。味道有小小辣，有醒神既感觉。材料有茄子，瓜，牛腩，牛腩炆到好适中，个汁配饭真系一流🌟泰式炒通菜 佢有三款菜同三款炒式可以简，我地就简左泰式炒既通菜，味道炒得好入味，好似以前系泰国食既一样，有少少辣味，好爽口，仲好有镬气添。食完肉最好就系炒返个菜中和下。🌟香烤薄饼可以用黎点落咖哩牛腩煲汁到调味，又或者就咁当小食咁食，皮薄香脆，配埋啲咖啡汁一齐食又入味又饱肚🍹冻朱古力🍹冻柠蜜最后仲送左两份甜品，食埋个甜品感觉好圆满，清新轻盈。影返张大合照，好抵食。