ZERO (已結業)

去咗试新野，朋友约食饭，梗系去啲比较宁静又倾到计嘅地方本来谂住去朗豪坊13楼，不过𠮶边有啲嘈，所以落咗半层(朗豪坊商场设计)去到呢一间餐厅门口望入去都算几靓，睇Menu，原来系意大利餐厅！有啲好奇，所以同朋友试一试~ 我哋经过几张枱，见到几枱都系有摩天轮所以一坐底就叫我坐摩天轮，好啱打卡用 因为两个女仔，所以食得唔系好多，所以我哋另外叫咗意粉就算！位置环境好大，坐得好舒服，两个人都会有位摆袋，可能人唔系咁多~等咗大概20分钟，就有得食~ 摩天轮里边有五款嘢食，包括：鸡翼，炸薯球，芝士肉丸，鱿鱼同埋面包我自己觉得本身个摩天轮几特别，但系食物就还好，佢嘅酱料有黑松露，沙律等算好味，最好食系肉丸同鸡翼，其他都一般，尤其系面包，比较硬身，食咗一啖都冇食！但系肉丸芝士味几重，又唔会好干身，所以好唔错！鸡翼就有蜜糖味另外，我哋叫咗香蒜蚬肉意粉(唔系好记得全名系咩🤣😛) 我觉得意粉反而好食过摩天轮，意粉煮得啱啱好，唔会太硬 啲蚬肉好好味，我唔钟意食海鲜，都觉得好入味，同埋都好清，因为佢唔系小炒，所以感觉唔似有镬气嘅煮法，系清新嘅感觉~整体来讲，比较一般，我觉得唔算正宗意大利菜