NN Coffee & Gin (裝修中)

Happy Friday梗系唔煮饭啦，同老公去左屋企对面新开既cafe食晚饭，约会一下。Cafe有有个吊千秋既座位可以坐系到影靓相，以粉红色为主调，行少女路线，非常梦幻。我地叫左两个主食、一杯特饮、一杯Cocktail，唔驶加一。蟹肉南瓜牛油果手工意大利粉上碟热辣辣，蟹肉鲜甜，用肉眼都睇得出好creamy，意粉用上阔条面，每个面积都沾满酱汁，好食。香煎日本带子黑松露手工意大利粉带子大大粒，肉质软滑，阔条面充满黑松露味，呢个都好好食。杂果法式西多士我都系要叫返个甜品黎食，卖相吸引，忌廉轻盈，略嫌西多士唔够松软湿润同唔够蛋香。Sour Sweet系茶既特饮，由English Breakfast Tea, Lemon, Elderflower整成，酸酸地，有种茶香，几好饮。Around The World上碟哗左一声，由Gin, Caramel, Cauracao, Lemon, Soda Water整成，好似饮紧云尼拿甘，甜甜的，有气既鸡尾酒，好易入口。