点心代表 (已結業)

朋友仔劲中意美少女战士，成日哦我话好想好想试，咁就同佢来一次！人都好多，被安排系个劲迫嘅位置，左右隔离都系美少女战士嘅super fans，影布置影食物，出一样嘢就影一张相！美少女战士主题嘅点心真系劲劲劲贵！！我地二人点左三样佢主题嘅点心，有鲜虾肠粉、流沙包同鸡肉咸水角！其实我都无咩期待，唔太难食都好满足！的确无广告咁靓，有好多颜料系个肠粉同流沙包度，流沙包仲有啲微出水走色迹象不过如果纯打卡呃like，目标达到！但知叫三样嘢一定唔够饱，就叫多两样非主题系列，无谓饿住肚仔走咁惨惨！叫多个炒饭同烧卖，正常味，但唔会有茶楼即叫即做嘅蒸气同好味！