小南洋 (Citylink)

营业中

休息中

连城啲铺头又转左，新开有呢间小南洋。无论门面定系里面嘅装修都几靓，附近一带都好少呢类有得食肉骨茶嘅餐厅，一于入去试吓。上菜佢哋会用餐盘上，而且卖相真系几靓。好可惜佢哋枱面嘅设计，放左两个餐盘之后，就已经放唔到其他嘢（如果你叫两个餐，再加多一两样嘢，就已经要摆去隔离张枱。）三样嘢最好食呢个参巴炒通菜，几好味。海南鸡饭有三种酱料，海南鸡好滑，鸡油饭好正。但系如果你系谂住依医肚，就可能会嫌佢啲鸡份量太少，因为啲鸡系劲细旧，而且得六小件。猪髀仔肉骨茶，个汤味道唔错，两条猪髀仔好鞋，其他配菜份量好少，想医肚真系要爬多两啖饭～未试过可以一试，影相会几靓～⋯但真系想医肚嘅话，个人认为可以有其他选择。