Vivienne Westwood Café (Fashion Walk)

营业中

休息中

身为一个钟意打卡嘅女人，梗系要去吓咩一啲名牌餐厅度食返次啦！鸭脾配招牌窝夫呢个配搭比较创新，鸭脾烹调火候拿捏得不错，肉质几淋软，不过始终鸭会比较出油，会带点油腻感但旁边既窝夫就起到佢嘅作用！中间仲有一粒流心蛋，啲蛋汁仲可以配埋沙律食。蒜香蚬肉意粉意粉口感适中，而且好够干身，带左淡淡香草味，蒜味亦够香浓，蒜头明显有爆香过，岘肉全部开哂壳，清洗得相当干净，但系单独食蚬肉会觉得有啲咸。平时食呢种意粉会好油腻，但呢碟却有意犹未尽嘅感觉。Sunrise trip苹果片、香橙片同柠檬草结合而成既饮品！能够去除身体多余嘅油脂，增强自身抵抗力，入口非常清新，带有芬芳嘅果香（建议唔好心急，等佢焗上五到10分钟先开始饮）黑糖姜拿铁入口偏甜，但甜度好舒服，因为并唔系糖浆嘅假甜，系口腔停留2秒就会感受到姜既回甘。两者嘅配搭深得小编嘅喜爱，特别要提就系杯面印有招牌logo（由咖啡粉砌成，岩哂打卡！）法式焦糖炖蛋配窝夫雪糕焦糖炖蛋好滑，微微暖，焦糖面做得够厚亦够实净。窝夫外皮好脆不过落更多蛋浆，相信口感会更加丰富。