玖子茶 (如心廣場二期)

营业中

休息中

喺荃湾行街， 行到如心广场谂住食晚餐， 见到呢间餐厅装修好特别， 好有星马街头风味， 打卡一流， 我哋就入咗去食饭。 呢间餐厅主打星马菜， 入到去气氛好好， 好似喺马来西亚嘅大排档，好特别！ 餐牌嘅选择都好多， 都系埋传统嘅星马菜式， 用qr code落单好方便。 我哋就叫咗四五样食物 1） 马拉盏炒通菜及饭- 通菜炒得好香口， 好惹味， 配白饭一流 2） 海南鸡- 肉质鲜嫩， 皮薄爽滑 3） 我知你喇薄饼配咖哩- 薄饼有好多块， 配上咖哩味道好好 4） 沙嗲牛肉串- 味道香浓， 啖啖肉 唯一唔好嘅地方就系啲水好重洗洁精味， 好难饮， 其他食物品质都唔错。