泰鳩

营业中

休息中

今日难得收早，就同朋友去试吓镜仔开嘅泰国餐厅，我呢个朋友系镜粉，知道队长同埋其他队员夹份开左间泰国餐厅就去试吓，地理位置十分方便油麻地站行6分钟就到，入到去装修好似去咗泰国曼谷，而且空间感好大，我哋两个人被安排四人座位，用嚟打卡同埋倾偈简直一流，之后我哋嗌咗虾饼，蟹肉炒饭同埋猪颈肉，仲有我至爱嘅芒果沙冰，首先虾饼炸得好香口咬落去索索声，而且足足手掌咁大旧，猪颈肉肉汁好饱满唔似一般猪肉咁鞋，咬落去唔会太韧，而蟹肉炒饭食得出好有镬气，而且蟹肉嘅份量比例非常多呢种感觉好似曼谷街头食紧𠮶啲镬气小炒，饮品方便夏曰日炎炎饮番杯沙冰就最吸引，淡淡的沙冰加上芒果汁同埋少少菠萝汁去混合一齐味就更加突出，而且呢度嘅气氛十分好店员会好细心为你讲解每一道𩠌，希望下次见到Mirror 嘅队员嚟食啦。