hoo韓國包車

营业中

休息中

好耐冇食韩国野，终于有时间试下bookmark左好耐嘅韩式街边档feel餐厅！入到去真系好似系夜市咁，有霓虹灯、街头装饰等，好多复古野😃打卡好正！野食方面选择不算好多，但又咩款式都有🤣先上嘅小菜有我好喜欢嘅豆芽！爽口又够麻油味😋另外一款系泡菜。两个人拣左三款野食都食得好饱😆嗌完先发现每样都有泡菜🤣🤣🤣泡菜猪肉锅+公仔面🍜呢个真系打开味觉😎😋平时都有食过泡菜锅，但系好少食猪肉锅，见到好多旧五花腩系度念点会好食🤣 点知食落啲猪肉味好香好浓！汤味道浓郁，不过都真系几辣下😛刺激！泡菜好味，五花腩更系出色，瘦肉部分都软烂即溶😍😍追加嘅公仔面夹埋个汤都食个不停🤣个锅中嘅食物好多，我地都加左几转水味道都冇淡🤪招牌炒章鱼🐙呢个上到台真系好香，章鱼都好好食，椰菜都系爆炒得好正！美中不足系，好几旧大椰菜冇分开到所以中间偏生😅后尾放落个锅度煮熟再食都好味🤣芝士泡菜煎蛋卷🥚面头有几款芝士一起烤，内里包含好多泡菜🤣蛋亦香滑，若果 系平时果啲蛋卷 啖啖蛋就更好了！整体气氛不错，好适合同朋友来吹水食野😛