影片
更多
2022-04-04
58 浏览
平日帮衬西式Cafe就多，韩式Cafe系香港而言又好似真系唔多。Wuli Cafe单从店名都略知带有韩国元素，皆因Wuli正正系韩文「我们」嘅意思。餐厅地方比想像中要细好多，厨房对出嘅位置同枱都比较窄，部分座位舒适度欠奉。虽然店外有打卡位，但对正大马路，甚有食尘嘅感觉，唔太建议大家影太耐。全日韩国早餐 $88碟内有韩国午餐肉条、泡菜蛋卷、鸡菇、烤年糕、牛角包、泡菜同沙律，唔少配料都换上具韩式元素嘅食物。蛋卷口感几特别，有泡菜爽脆嘅口感，但食落唔辣；烤年糕唔够软腍，辣度唔香赋唔入味；午餐肉条无咩特别。整体而言除咗卖相吸引，味道唔够吸引，唔太推荐。韩式辣酱鱼糕鸡肉扁意粉 $88意粉灵感源于韩国忌廉卡邦尼辣鸡面，酱汁以韩式经典辣酱混合忌廉，另加入韩国鱼糕。意粉属可接受嘅辣度，带少许甜味。可惜整体味道偏淡，咸度亦欠奉。阿华田脆脆波波松饼配朱古力酱 $78圆碌碌嘅松饼卖相可爱，选用一口大小嘅尺寸。夹心蕴含阿华田脆脆，外层淋上朱古力酱同忌廉作点缀，透出少许麦芽甜味。呢款甜品颇有惊喜，值得一试。自家制南瓜忌廉芝士慕斯配海盐芝士奶盖 $48慕斯卖相宛如切件芝士，本来对佢好有期望，但味道唔太吸引到我。南
全日韩国早餐 $88
碟内有韩国午餐肉条、泡菜蛋卷、鸡菇、烤年糕、牛角包、泡菜同沙律，唔少配料都换上具韩式元素嘅食物。蛋卷口感几特别，有泡菜爽脆嘅口感，但食落唔辣；烤年糕唔够软腍，辣度唔香赋唔入味；午餐肉条无咩特别。整体而言除咗卖相吸引，味道唔够吸引，唔太推荐。
韩式辣酱鱼糕鸡肉扁意粉 $88
意粉灵感源于韩国忌廉卡邦尼辣鸡面，酱汁以韩式经典辣酱混合忌廉，另加入韩国鱼糕。意粉属可接受嘅辣度，带少许甜味。可惜整体味道偏淡，咸度亦欠奉。
阿华田脆脆波波松饼配朱古力酱 $78
圆碌碌嘅松饼卖相可爱，选用一口大小嘅尺寸。夹心蕴含阿华田脆脆，外层淋上朱古力酱同忌廉作点缀，透出少许麦芽甜味。呢款甜品颇有惊喜，值得一试。
自家制南瓜忌廉芝士慕斯配海盐芝士奶盖 $48
慕斯卖相宛如切件芝士，本来对佢好有期望，但味道唔太吸引到我。南瓜蓉经过烤制，但都唔太食到南瓜香。芝士慕斯另有海盐芝士奶盖同焦糖饼碎，入口带有芝士咸味，但细尝下慕斯无咩层次感，感觉非常普通。
Crazy Chocolate $44
饮品面层设有丰盈泡沫、朱古力酱同朱古力粉，不过饮用时会略显狼狈，因为朱古力酱会淋出杯边。拌匀后意外地唔会觉得过腻，甜度适中。
张贴
