BON CHAT CHAT 閑寮

营业中

休息中

早几日行完 D2 个市集就想系附近揾间 cafe 坐下食下野， 就揾到呢间 Bon Chat Chat 闲寮。到门口俾个竹林石头小路吸引住，估唔到工商厦入面会有咁喜出望外既格局，一步一步咁踏足在石头小路上好正，配埋日落灯好岩打卡。好好彩岩岩有枱 tatami 走左，所以可以坐到 tatami 位。好和风的感觉! 可能我地唔算太忙时间去所以有吧，正!我同个 friend 叫左个带子伴蟹籽忌廉汁扁意粉，卖相好靓，食落好 creamy. 带子表面有炙烧感觉，好食! 跟住食左个焦糖流心蛋糕，迷你版黎，但系味道唔错，唔算太甜，所以OK!叫咗两杯嘢饮，「当咖啡遇上蛋」要自己DIY，将一只生鸡蛋倒入 espresso，店长话搅匀之后就会令个啡更加Creamy，然后加入龙井茶更添茶香，配搭几特别，令我谂起之前去台湾都有中式茶 + 咖啡嘅饮法。仲叫咗杯茶饮，「花前月下」系冷泡龙井茶为底，饮落去酸酸甜甜，个青柠味几出，好好饮! 我地比较晏先去，食完野都接近入黑时间，5点几6点冇左阳光射入黎影相会争咁啲。下次考虑早啲去。店长话正在筹备开埋出边露台，仲话装修会更加有心思，咁我更加会有再来嘅冲动。