牛之館 (已結業)

今日收工喺旺角同朋友揾嘢食，突然好想食打边炉🍲见到旺角文华商场附近有间新开嘅打边炉放题，就决定入去试吓。佢哋有唔同嘅套餐选择我哋就拣咗个最多选择嘅套餐，一共有24个边炉配菜可以叫，全部都系用QR code自助落单，非常方便而且上菜嘅速度都几快！除咗QR code落单之外出面仲有好多自助嘢食，佢有好款类嘅熟食，例如麻婆豆腐、午餐肉捞丁仲有一些素菜！除咗熟食之外，仲有好多丸类同埋蔬菜😍佢哋嘅汤底有八款俾你拣有辣有唔辣有养生汤等等，我哋今次就拣咗金银蒜蛤蜊鸡锅，我觉得佢鸡嘅份量都有半只，建议如果好肚饿好肚饿就可以全日净系食一餐🤣讲返佢哋啲牛肉，我哋叫咗个和牛肩胛肉眼芯，超级有惊喜，估唔到呢个价钱可以食到咁高质嘅牛肉仲要系放题！佢哋牛肉切到好簿片，纹理非常清晰，而且雪花都好平均 ！如果好钟意食放题打边炉嘅朋友一定要去试吓❤️