Lúa (已結業)

我地点咗一个晚市套餐，套餐包括前菜、小食、轻量主菜、甜品同饮品。另外再点咗经典越南法包、蔗虾串配生菜同鲜芒芭菲。越南金柚沙律金柚配以青瓜丝同甘笋丝，口感清爽，辣辣地几开胃。越南大虾米纸卷越南米纸卷食落烟韧弹，米纸内里包著生菜、大虾、扎肉、檬粉、甘笋丝同青瓜丝，蘸埋酱汁，味道更丰富。蟹肉腊肠炒饭虽然系轻量版，但蟹肉份量都几多，米饭炒到粒粒分明，配埋腊肠同芝士酱，十分邪恶。班兰千层糕千层糕入口软糯，表面淋满椰子浆，香甜又弹牙。热情果菠萝绿茶热情果同菠萝味道相当夹，淡淡绿茶清香，解腻一流。经典越南法包法包即叫即烘，脆得黎又𠱸唔会好硬，馅料有扎肉、秘制猪肝酱、腌制萝卜、青瓜等等，满满猪肝酱，味道非常丰富。蔗虾串配生菜蔗虾炸至金黄色，虾肉吸收咗甘蔗嘅味道，清甜爽口，蘸埋酱汁更惹味。鲜芒芭菲芭菲分为几层，每层材料都唔同，包括有芒果粒、蝴蝶酥、椰子奶盖、寒天、迷你蜂蜜蛋糕、原味麻糬等等，每层都有唔同惊喜，每啖都好满足。