Lúa (已結業)

Lúa | #铜锣湾成日经过见到都未试过，今日经开就入去试下。2层高嘅餐厅，楼上有唔同灯笼作装饰，色彩缤纷，打卡嘅好位置，其他地方都好有越南风情🇻🇳 ⪧经典越南法包 $98 法包十分香脆，但个人口味略嫌太脆，咬得好困难，但入面嘅酱汁同馅料好食！⪧越式香茅猪肉饭 配特色蛋饼 $128 卖相好靓，薄切猪肉好入味而且唔韧，为个饭提升不少。蛋饼有木耳、粉丝，捞埋太阳蛋同葱油，配饭一流。唯一系饭略硬~ ⪧自选小食 (春卷、粉包、牛肉) 猪肉春卷香脆，唔会太油腻，不过不失。粉包皮薄馅靓，外层粉皮晶凝通透而且好滑！入口烟韧，加埋入面嘅猪肉、木耳，好爽脆，十分有口感。牛串嘅牛好嫩滑，重香茅味，加埋邪恶咸蛋黄酱，好满足，成餐觉得呢个最好食。 ⪧椰子奶盖咖啡 $62 好似上面有椰子奶盖咁，好香椰子味，细滑，中和咖啡嘅苦，加埋一齐好夹。