影片
更多
2020-09-03
1443 浏览
由于好朋友生日，我就请咗半日假同佢去铜锣湾食个靓午餐。我哋拣选咗位于铜锣湾名店坊嘅「Vivienne Westwood Café」，最适合港女嘅我哋😝。呢到环境真系几唔错，中间张长枱连埋个背景，好有气派😎。另一边箱，我最钟意嘅系舖中间个大时钟🕤，虽然佢系唔啱时间，但成个感觉真系好童话故事。我同朋友一人叫咗一个2-Course Set Lunch🍽，呢度所采用嘅餐具全部都印有招牌Logo同Pattern㗎！云朵西多士配三文鱼及沙律Cloud French Toast with Salmon and Salad，呢道菜嘅造型无得输，件西多士一阵再讲。伴碟嘅烟三文鱼砌到成朵花咁🌹；而沙律菜亦算新鲜🥗。主角方面，上面用蛋白整嘅云朵几可爱☁️，好松软，虽然食落就无乜味。下面嘅西多士非常厚身，系饱肚之选；而且最难得嘅系佢唔油，又无落花生酱🥜，啱哂我。烟肉太阳蛋班戟Savoury Pancakes with Egg and Bacon，同样地佢亦系有啲沙律菜伴碟。咪以为🥞Pancakes就系甜品，呢道菜系咸食嚟㗎！迷你班戟仔梅花间竹咁夹住煎蛋🍳、烟肉🥓同火腿，成个组合都算几夹。蛋白雪山配招牌窝夫Egg
由于好朋友生日，我就请咗半日假同佢去铜锣湾食个靓午餐。我哋拣选咗位于铜锣湾名店坊嘅「Vivienne Westwood Café」，最适合港女嘅我哋😝。
呢到环境真系几唔错，中间张长枱连埋个背景，好有气派😎。
另一边箱，我最钟意嘅系舖中间个大时钟🕤，虽然佢系唔啱时间，但成个感觉真系好童话故事。
我同朋友一人叫咗一个2-Course Set Lunch🍽，呢度所采用嘅餐具全部都印有招牌Logo同Pattern㗎！
云朵西多士配三文鱼及沙律Cloud French Toast with Salmon and Salad，呢道菜嘅造型无得输，件西多士一阵再讲。伴碟嘅烟三文鱼砌到成朵花咁🌹；而沙律菜亦算新鲜🥗。
主角方面，上面用蛋白整嘅云朵几可爱☁️，好松软，虽然食落就无乜味。下面嘅西多士非常厚身，系饱肚之选；而且最难得嘅系佢唔油，又无落花生酱🥜，啱哂我。
烟肉太阳蛋班戟Savoury Pancakes with Egg and Bacon，同样地佢亦系有啲沙律菜伴碟。咪以为🥞Pancakes就系甜品，呢道菜系咸食嚟㗎！迷你班戟仔梅花间竹咁夹住煎蛋🍳、烟肉🥓同火腿，成个组合都算几夹。
蛋白雪山配招牌窝夫Egg White Volcano with Orb Waffle($98)，我哋额外点咗呢份甜品为午餐作结。🏔蛋白雪山嘅卖相吸引，好高、好澎湃；雪山外再加大大块招牌Logo形状嘅窝夫，食落好松脆，一啲都唔硬。最外层系焗蛋白，啡色部份有少少㶶味，而内层就系牛奶雪糕🍨。另外，雪山旁仲有唔少蜂巢脆脆加强甜味。
跟餐饮品我哋都系点咗🌸花茶Herb Tea(+$10)：蔷薇华尔兹Sunrise Trip及玫瑰梦幻Rose Garden。咁啱两款茶嘅色调都系红色系，细细个茶杯仔🍵真系最啱慢慢坐低叹茶倾偈。
总括嚟讲，我都系第一次到访时装品牌旗下嘅Cafe，果然环境同食物卖相等方面都系好出色👍。我哋忍唔住系咁影相，例如用大罐砌成嘅墙壁好正，打卡一流。题外话，如果唔得闲坐低慢慢食嘅话，而家外卖自取都做紧八折优惠，不妨试试。
张贴
