Outdark (H8)

营业中

休息中

餐厅走黑色风格路线，天花垂吊星星灯饰点缀，令环境有情调。餐厅食品都系由韩国店主自己设计，由韩国人烹调，充满韩国风味。餐牌上既每款食物都好吸引。忌廉海鲜炒年糕($328)，配上炸大鱿鱼。店员会帮手剪开鱿鱼，方便享用。鱿鱼超酥脆，肉弹牙，炸粉唔厚。忌廉唔会觉得腻，拌炒蔬菜、虾仁、带子粒，美味。铁炉边有紫菜饭，麻油味香。拉丝芝士充满咸香味。另外有小香肠、泡菜附送。烤猪梅头肉($198)，拣左盐味。以铁板送上，热辣辣。猪肉厚切油脂丰富，超多汁。底部烧烘左金菇、洋葱等，吸尽肉汁，仲有青瓜泡菜添。加配左肠仔年糕串，淋上甜辣酱，炸烤过，完全系韩国小食。饮品叫左蓝柠檬梳打，热情果梳打。2杯饮品都唔会太甜，仲有d啫喱/蒟蒻系底，增加口感。另外有酒提供添。整体，食完好似去左韩国咁，地道韩国菜。尤其口味唔会过重，食完唔会口渴。而食物即叫即整，所以要预时间等候食物。如果多人食，就可以试多d款。等候位置，有彩色锁扣墙身，仲有免费打卡影相机玩添。无论情侣定朋友聚会，都非常适合。