影片
更多
2021-11-17
301 浏览
近排食得日本菜多，所以今次食下西餐，餐厅系尖沙咀亚士厘道，交通都算方便，而装修主要系用红砖同水泥既简约工业风格，加上唔同既挂饰，别具心思。而且梳化位位置都够阔，坐落都几舒服。最紧要系店员服务态度好好，食都食得开心d😂海鲜船就咁睇都知打卡呃like一流。但除左外型讨好之外，其实食物质素一d都唔差。船上挂住一杯杯既分别系生蚝、大虾Cocktail、牛油果蟹肉同矶煮鲍鱼。生蚝鲜甜爽口带海水味，最特别既系会有wasabi汁、威士忌汁同清酒汁配塔一齐食，非常有心思。Wasabi 汁酸酸甜甜，威士忌汁酒香味浓，清酒汁带甜味。可以食到好多唔同配塔~大虾Cocktail既大虾几新鲜，肉质爽弹带鲜甜味，Cocktail 汁酸酸甜甜蕃茄味浓郁，食完好开胃牛油蟹肉沙律上面有鱼子酱同金箔，略显奢华。而且蟹肉份量都几多，加埋牛油果一齐食，都几饱肚😂矶煮鲍鱼煮得好淋而且好入味，可以夹埋飞鱼子一齐食，口感脆卜卜，几得意Pulled Pork Nachos （＄128）好大碟份量好多，烤猪肉丝、芝士、酸忌廉、莎莎酱、牛油果酱、橄榄同我最钟意既墨西哥辣椒样样齐，基本上净系食佢都饱西西里蟹肉扁意粉（$178）意粉做到Al
海鲜船
就咁睇都知打卡呃like一流。但除左外型讨好之外，其实食物质素一d都唔差。船上挂住一杯杯既分别系生蚝、大虾Cocktail、牛油果蟹肉同矶煮鲍鱼。
生蚝鲜甜爽口带海水味，最特别既系会有wasabi汁、威士忌汁同清酒汁配塔一齐食，非常有心思。Wasabi 汁酸酸甜甜，威士忌汁酒香味浓，清酒汁带甜味。可以食到好多唔同配塔~
大虾Cocktail既大虾几新鲜，肉质爽弹带鲜甜味，Cocktail 汁酸酸甜甜蕃茄味浓郁，食完好开胃
牛油蟹肉沙律上面有鱼子酱同金箔，略显奢华。而且蟹肉份量都几多，加埋牛油果一齐食，都几饱肚😂
矶煮鲍鱼煮得好淋而且好入味，可以夹埋飞鱼子一齐食，口感脆卜卜，几得意
Pulled Pork Nachos （＄128）
好大碟份量好多，烤猪肉丝、芝士、酸忌廉、莎莎酱、牛油果酱、橄榄同我最钟意既墨西哥辣椒样样齐，基本上净系食佢都饱
西西里蟹肉扁意粉（$178）
意粉做到Al dente,食落爽口唔会过淋，酱汁蕃茄味浓略带酸味，蟹肉份量都唔少，整体黎讲唔错
海神比萨（$188）
成12寸，而且上面有好多海鲜，几个人食都够，最后要打包😂
布朗尼配云呢拿雪糕（$108）
呢度连甜品既份量都有返咁上下，布朗尼新鲜焗起热焫焫，外层做到松脆，朱古力味好浓，配埋鲜忌廉同云呢拿雪糕一齐食真系肥死😂，好彩仲有d士多啤梨同蓝莓食下，除左清一清口腔之外，仲好似减左少少罪恶感😂
Poseidon's Treasure（＄108）
又系打卡一流，用个宝箱装住，一打开会有阵薄雾升起，仲有好多生果伴碟。本身系用碟豆花、柠檬同雪碧，饮既时候再倒d Rum酒沟埋一齐饮，入口酸甜带d酒味，几易入口
Tropical Princess （＄88）
由菠萝、热情果、柠檬、橙同红茶沟成，甜甜地果味几香，入口清新
张贴
