Starò

营业中

休息中

上星期为庆祝朋友生日拣左呢间打卡餐厅.餐厅环境舒服. 好多打卡位.而枱之间都唔会太逼.好适合朋友情侣倾吓偈饮杯野🥂只系门口唔通风等位时有啲焗🥵🍾意式白酒香茜煮鲜蚬伴香草面包条感觉到蚬系新鲜嘅食材，但可能挂住打卡摆耐咗令个汁有少少腥，白酒味唔算重，而手工面包条就系少少烟靭口感。🍅传统意式肉酱手工千层面 千层面个酱好浓郁，面底质感唔错唔会太厚身，每层酱同面搭配刚刚好，连怕酸唔太喜爱蕃茄酱嘅我都觉得可以Encore👍🏻🥩18小时慢煮美国安格斯牛小排伴法式薯蓉上碟时已经切好，摆盘精致，牛小排经过18小时慢煮肉质粉嫩，熟度刚刚好，伴碟嘅法式手工薯蓉亦香滑软绵。🎂星座蛋糕 （需预约）内馅系Chocolate & Mixed berries mousse，朱古力有啲甜，有berries中和返比较易入口，细细个两个人食刚刚好。另加一杯 Mojito同白酒，埋单9折后$9XX。