茶聊

营业中

休息中

做完facial约左朋友系旺角dinner拣左间楼上打卡Cafe设有靠窗既单排座位，可以欣赏到街景，体验一下闹市中既宁静。🍔茶聊招牌汉堡配凯撒沙律及薯条 $158(安格斯牛肉、太阳蛋🍳、烟肉🥓、芝士🧀、洋葱、蕃茄🍅) 汉堡松软烘到微脆🤏，安格斯牛肉带有浓厚既牛肉香味，好足料。夹埋配料一齐食，味道丰富且层次分明。海王樱花珍宝巨虾配龙虾忌廉汁扁意粉扁 $188巨虾外层沾上樱花虾炸成，食落咸香惹味，口感微脆。 虾肉爽口弹牙，都几鲜甜。龙虾忌廉汁味道浓郁，扁意粉非常之挂汁，仲加左蕃茄粒煮成， 味道层次丰富。脏脏黑糖珍珠鲜奶 $44卖相打卡一流📸脏脏即系可可粉， 同鲜奶搅匀变成又香又滑既朱古力鲜奶。黑糖味唔算突出，整体都唔系太甜。珍珠烟韧弹牙，嚼劲十足！熊啤啤咖啡牛奶 $44熊仔冰块系由咖啡制成，可爱到爆之余亦唔会愈饮愈淡， 可以根据自己喜好，先倒入适当牛奶份量再倒咖啡。宇治抹茶忌廉牛油千层酥配雪糕 $98牛油千层酥十分酥脆，切开中间有满满既抹茶忌廉酱，味浓郁甘香。配埋云呢拿雪糕一齐食，满足。