影片
更多
2022-10-09
712 浏览
今日又做孤独的美食家，放假打机打到攰攰地想食下点心，天水围就无堂食既点心店，咁上网揾资料就见到呢间得闲饮茶咁多好评又有d特色点心，就一于出元朗试试。下午4点左右到，店内唔洗等位，有几张卡位就安排座左一张面壁既卡位，1个人食黎讲都ok既，环境黎讲都有10张枱左右由于有卡位人多时都唔会坐得好迫。睇下餐牌，选择都算ok多，其中有d较为特色d既点心就系一般酒楼同外卖点心店无既，咁黎得呢度就主要试呢d啦，相对价钱黎讲会贵少少，而每份点心都即叫即做，写住要等15-20分钟，而我计过落单开始计都真系差唔多时间上到枱。香片其实一入黎未坐底侍应已经问饮乜茶，茶位就5蚊都算平，香片闻落几香，茶味就清清地，我觉得都ok。得奖虾饺之王个虾饺讲到攞奖㖞点都试下啦，34蚊有4粒，价钱就比坊间略贵d，虾饺黎讲算ok大粒啦，皮都几薄，但比较容易夹穿，虾肉都算爽口份量都ok，配料有d尖荀，食落都湿润唔会好干，调味都可以，叫做系一份比一般酒楼同外卖点心店好既虾饺，但有无好食到得奖就真系要揾食家黎试试。黑金流沙包又系一份打卡既点心，卖相就100分，黑色就应该加左竹炭，上枱时都出晒烟，我大约摆左2分钟左右先食惊太热，咬落入面
下午4点左右到，店内唔洗等位，有几张卡位就安排座左一张面壁既卡位，1个人食黎讲都ok既，环境黎讲都有10张枱左右由于有卡位人多时都唔会坐得好迫。
睇下餐牌，选择都算ok多，其中有d较为特色d既点心就系一般酒楼同外卖点心店无既，咁黎得呢度就主要试呢d啦，相对价钱黎讲会贵少少，而每份点心都即叫即做，写住要等15-20分钟，而我计过落单开始计都真系差唔多时间上到枱。
香片
其实一入黎未坐底侍应已经问饮乜茶，茶位就5蚊都算平，香片闻落几香，茶味就清清地，我觉得都ok。
香片
$5
63 浏览
0 赞好
0 留言
得奖虾饺之王
个虾饺讲到攞奖㖞点都试下啦，34蚊有4粒，价钱就比坊间略贵d，虾饺黎讲算ok大粒啦，皮都几薄，但比较容易夹穿，虾肉都算爽口份量都ok，配料有d尖荀，食落都湿润唔会好干，调味都可以，叫做系一份比一般酒楼同外卖点心店好既虾饺，但有无好食到得奖就真系要揾食家黎试试。
得奖虾饺之王
$34
46 浏览
0 赞好
0 留言
黑金流沙包
又系一份打卡既点心，卖相就100分，黑色就应该加左竹炭，上枱时都出晒烟，我大约摆左2分钟左右先食惊太热，咬落入面就未去到好滚热果只，都凉得几快㖞，馅料唔算话好多，味道无话好浓，未做到好流沙既效果，包皮都唔算厚既，食落比较烟韧d，感觉同一般流沙包差唔太多但比较贵，试下都可以。
黑金流沙包
$34
33 浏览
0 赞好
0 留言
春风得意肠
又一特色点心，肠皮包住网皮入面有d虾肉同粟米粒，面头加d蟹料，口感好丰富，但肠粉皮我略慊唔够滑比较黏，同埋份量比较少d。
春风得意肠
$38
30 浏览
0 赞好
0 留言
锅巴杂果沙律
呢份就真系多口叫，本身谂住话想试多样就食d沙律清一清个口，但呢份野就沙律系好多既，但沙律酱好鬼酸，同d锅巴好唔多夹，人多每人食d都ok既，但我一个人就有d吃不消（放心无浪费只系净左几粒杂果)。
锅巴杂果沙律
$29
21 浏览
0 赞好
0 留言
以上野系小弟一个人食晒，真系饱到呕，整体黎讲食物都ok既，始终有d野未试到可能漏左d更出色既点心，价钱黎讲同出面d点心专门店差不多，中规中矩，间中食下都可以，服务方面就比较一般d，同去酒楼差唔多，评价方面在于好与普通之间，鉴于特色点心多加整体味道还不错，可以黎打下卡咁，特色黎讲都可以俾个好评既。
张贴
