幸圓 (已結業)

上網見到呢間日式「幸圓」餐廳既招牌刨冰非常打卡，不禁放工即刻過黎品嘗。餐廳環境舒服整潔，配上日式木系風格設計。食物擺盤賣相十分好，色彩繽紛，食落幸福感滿滿而且賞心悅目。不得不提服務員既態度親切有禮，面帶笑容，用心介紹不同既菜式同飲品，一流既用膳體驗。幸圓海鮮丼有赤蝦、海膽、三文魚、油甘魚、赤身、魷魚、八爪魚、帶子、三文魚籽、蟹籽、香蔥拖羅蓉，不同既剌身切成薄片鋪係飯素同珍珠米上，啖啖都有不同海鮮的味道，口感大滿足。黃金蟹肉蘆筍忌廉扁意粉蟹肉意粉配上萵筍、蘆筍、蘑菇、烤杏仁片，一爽脆一軟淋，淋上鹹蛋黃忌廉汁有意外既驚喜，份量十足。芋泥麻糬刨冰一上枱已經嘩一聲，賣相十分之打卡able 。綿綿嘅刨冰配上香芋味醬汁。表面鋪上芋頭粒同埋麻糬，麻糬口感煙靭。刨冰食到入面原來有其他食材，水晶珠、芋圓、白玉，令到成個甜品嘅口感更加豐富。旁邊嘅黑糖醬亦都能夠帶出甜品嘅香味。士多啤梨芝士奶蓋牛角包窩夫入口有驚喜，窩夫喺酥皮質感入口鹹香，配上芝士奶蓋非常之夾，而士多啤梨嘅酸酸甜甜亦都可以中和成個甜品嘅感覺。