Lady Nara

营业中

休息中

今日同朋友嚟咗尖沙咀觅食，行吓行吓就见到呢间位于海港城嘅lady Nara。佢入边嘅装修系行少女风，满满嘅粉红色，而且仲有好多打卡嘅位置，有一排嘅位甚至可以睇到海景店员安排咗我哋坐一张圆枱，坐得好舒服，仲有两张藤椅俾我哋影相。我哋一共嗌咗四样嘢，分别系青咖喱鸡加印度薄饼、菠萝肉松海鲜炒饭同香蕉薄饼配榛子炼奶。佢嘅青咖喱鸡有好香嘅香料味，而且入边嘅鸡份量超多，几乎半盘都系鸡肉，材料非常丰富。配埋印度薄饼一齐食，味道好浓郁。而佢嘅菠萝肉松海鲜炒饭，系用半个菠萝嚟上碟，同埋佢啲饭堆到满晒，份量真系好有惊喜。而且佢嘅饭入边材料都唔马虎，有虾、带子、青口等等。每一啖都食到好多唔同嘅海鲜，口感非常丰富。最后喺甜品方面，嗌咗佢嘅限量薄饼，喺薄饼中间夹杂着香蕉嘅肉，面头配上榛子酱同炼奶，口感非常丰富，而且味道都唔会死甜，好有层次。