金二少冰室

营业中

休息中

喺环球贸易广场返工嘅朋友都会有同感，就系圆方嘅商场冇啖好食，一系就好贵，一系就好多人排队，而且平民食物嘅选择亦唔多，所以今次行出佐敦揾食，见到金二少个门面企企理理，而且啲座位睇起上嚟都似坐得舒服，所以就入去试吓。午饭时间唔想食得太丰富，都系叫返啲简单嘢，所以就叫咗个黯然销魂饭，味道就同出边一般冰室茶餐厅嘅质素差唔多，呢啲稳阵嘢一般都唔会太中伏。而比较惊喜嘅，就系佢嘅冻奶茶，饮品上面嘅冰竟然系熊仔造型，而且唔系用水雪成嘅冰，而系用奶茶雪成嘅冰，虽然奶茶系提供樽装嘅奶茶，所以甜度冰度不能够选择，但系用熊仔冰嘅造型就非常可爱，当奶茶淋喺杯入边嘅时候就好似熊仔用奶茶冲凉一样，非常治愈，都算为一日繁忙的工作打打气。