炭火紫菜包飯 (已結業)

8个人聚会，虽然唔系第一次食韩国野，但系见依间出名大大件嘅紫菜包饭，于是去试下。餐厅规定8个人要叫8样野，所以我地叫咗4款紫菜包饭同埋2个2人部队锅。紫菜包饭一碟有十几件，虽然价钱同其他韩式餐厅嘅寿司差唔多，但系就阔好多，而且好足料，饭唔会偏多，除咗主食材之外，仲有好多馅，例如泡菜，蛋，蟹柳，青瓜，成旧放入口食，咁就唔会咁易散，超有满足感~ ●炭烧猪肉紫菜包饭，真系有炭烧味，好香，将一片猪肉卷起黎食落好有层次感 ●烤牛肉紫菜包饭，干干地嘅牛肉同湿湿地嘅馅料一齐食好夹，味道又唔会俾馅料遮盖 ●鸡肉沙律紫菜包饭，鸡肉啲味有啲淡，唔系几食得出 ●吞拿鱼泡菜紫菜包饭，吞拿鱼同泡菜唔系几夹，都系食唔出吞拿鱼味 2人部队锅可以拣2款年糕+1款面+1款配料+1款饭，份量够足 ●芝士年糕+烤肉年糕+拉面+鱼饼+炒饭，加咗芝士嘅部队锅冇咁辣，又可以同拉面一齐拉下芝卷住食~如果年糕多啲就好，烤肉有啲似紫菜包饭嘅肉，鱼饼够多~ 食到最后先会俾炒饭，炒饭好似软身嘅锅巴，焦焦地咁好香，得栗米做配料，可以捞落去部队锅整成泡饭~ ●午餐肉年糕+烤肉年糕+拉面+鱼饼+炒饭，因为冇芝士，所以比较辣同浓，好开胃~ 值得一