鴻興海鮮燒鵝食家

营业中

休息中

母亲节食晚饭庆祝，之前帮衬过好几次，觉得𩠌菜唔错，价钱公道。我们先系佢自设既停车场免费泊车，再系出面拣新鲜游水海鲜，然后入去大厅揾咗张大枱坐，叫埋其他小菜。海鲜方面，老细强烈推荐金古鱼，$16/两，条鱼好大条，成斤重，做咗陈皮蒸金古，肉有少少「鞋」，但系陈皮味入哂去鱼肉度，够哂香。仲有必食蒜茸粉丝蒸虾，蒜茸粉丝蒸圣子，豉椒炒蚬，入口即溶，清爽鲜甜。另外，唔可以唔试佢既驰名烧鹅，皮脆肉厚，一咬，油汁分泌出黎，滋润旧肉，细细咀嚼，非常有口感。最后以金菇肥牛煲收尾，呢个算系最抵食，肥牛好多片，大大片。