Electric Ave (已搬遷) 新店位置

好想食burger，咁啱见到易位架写住有lunchset，$60-$70就有burger，所以黎咗食。可能因为下昼，所以冇咩人，环境宁静。点完之后发现原来包埋薯条同饮品，几抵。我点咗个叫HKU burger，大细适中，不过我一啖咬唔哂成个包，要分开食。入面嘅主菜牛肉劲厚，超软，不过有啲干。入面嘅配料多到唔记得，有烟肉、煎蛋、芝士、蕃茄、瓜等等，好有层次同口感。烟肉煎得好香，又唔会盖住牛肉嘅味，其他嘅配料令到成个包咁干。佢有加到一款特别嘅汁落去，一咬啲汁就流哂出黎><薯条新鲜炸出黎，长度一致，好脆。冻柠茶略厌有啲甜，柠檬得好少片，冇咩柠檬味。