五餅二魚美食料理

营业中

休息中

今日番工，同事收到张传单，一𩠌饭$25，我见到咁抵，即刻做白老鼠试下先。咁岩今日想食凉瓜，所以叫左个凉瓜牛肉饭食。中午去到佢既自取点，唔系好见有人，因为第一次叫，唔熟路，惊去错地方，所以我打番去间铺问，佢好热心咁帮我问下个外卖姐姐去到边。之后外卖姐姐到既时候（都系迟左几分钟而已），都系咁讲唔好意思，搞到我都唔系几好意思😆，系咁同佢讲番唔紧要。一拎外卖上手，有d惊喜，佢系分兜装（1兜𩠌，1兜饭）。番到公司开餐，个饭仲热辣辣👍。以$25黎讲，呢个份量认真抵食，仲要几好味😋够多汁，除左凉瓜牛肉，仲有几棵菜食，几好。不过唯一唔好处就系，菜单选择较小，可能岩岩开始做午餐，未稳定，都明白既。