龍鳳食堂

营业中

休息中

间唔中都会过嚟荃湾沙咀道呢边啲工厦做嘢、送货，最近食咗几次呢间龙凤食堂，啲嘢食都唔错，最紧要就系性价比高，平平哋好抵食可以医肚。呢日就拣咗个现炒豉椒排骨饭，都真系几好食，好够镬气，啲汁唔会好咸，捞饭啱啱好。排骨份量都几多，好足料，豉椒、洋葱、青椒，呢啲都好多，排骨肉质正正常常唔会话好韧。午市饭餐有汤有嘢饮，例汤唔系只有水非常足料，咁啱呢日系青红萝卜猪骨汤，饮落都似冇味精嘅。包埋嘢饮，叫咗杯冻华田，都真系好抵食，唔怪之得午餐咁爆。相信下次嚟荃湾都会过返嚟呢边，始终晏昼都唔想食咁贵。