王牌冰室 (九龍貿易中心) (已結業)

今次来王牌冰室食午餐，午餐时间都系人山人海，全个餐厅坐满人，要入座嘅时候都要等一等，但等候时间都算快， 5分钟左右就入得。入到去立即可以落单，等5分钟左右就上到餐，速度算系好有效率。今次食咗个经典常餐（瑞士鸡翼捞面），常餐加两蚊转配蒜蓉多士，个多士上面嘅蒜蓉真系一啲都唔孤寒，份量好多，蒜蓉味好香浓，钟意食蒜蓉嘅朋友，值得一试呢个蒜蓉多士。炒蛋正常，瑞士鸡翼捞面的鸡翼都入味，但全翼食起上嚟有少少唔方便，个人来讲都系prefer鸡中翼多点，但如果撇除方便呢个考虑，个瑞士鸡翼捞面嘅整体味道都算唔错。