和田便當 (已結業)

去开金钟，想简单快捷食个lunch。见一间非常新奇嘅便当售卖机舖头，价钱都合理，决定一试。间左个韩风烤牛肉便当🍱 $48嘟左八达通之后，便当就会慢慢推出嚟，然后喺出口度攞，过程1分钟搞掂。 便当攞上手暖暖地，有埋筷子比你，唔使担心冇餐具。便当份量识合女仔食， 有玉子烧同一啲日式嘅配菜，韩风牛肉就系一啲辣嘅椰菜炒红萝卜丝同肥牛。 肥牛份量都合理，饭就大概一碗份量左右。唔算辣，唔食辣嘅人都可以试吓。佢每日嘅餐单都唔同，一日有五款选择，铺里面有两部机，而且买卖过程2分钟搞掂，都唔使惊话要排好耐队。除咗便当，佢仲有一啲炖汤饮，感觉非常滋补，价钱大概系四十几至五十几蚊，我觉得比起喺7-Eleven买件三文治，有阵时想食啲热嘅饭都可以考虑吓喺度买便当，又唔洗自己叮。